Sogn Trafikk er ei nyetablert bedrift i Vik. Me vidarefører skiltproduksjonen som har eksistert i kommunen sidan 1969. Ulike eigarar drifta skiltavdelinga i Vik fram til 2024 då dåverande eigar Euroskilt/Saferoad valgte å samla produksjonen på Vingrom.

Tidlegare inngått avtale sikra dei ansatte førsterett til å overta avdelinga. Dette valgte me å nytta oss av, og Sogn Trafikk såg dagens lys. Me har såleis lang erfaring i bransjen, og har konkrete planar for å setje ei god bedrift i endå betre stand. Slik vil me møta framtida og kundane våre på best mogeleg måte.

Produksjon av skilt langs veg og bane vil fortsatt vera bærebjelken vår. Det vil og bli satsa på tilhøyrande aktivitet, som me håpar kan sikra gode arbeidsplassar i kommunen.

Me leverer alt av normerte trafikkskilt i henhold til Statens Vegvesen sine forskrifter.